Ang sarap sa feeling kapag alam mong may taong nandyan palagi para sa’yo. ‘Yung tipong kada may problema ka, may mapagsasabihan ka. May dadamay sa’yo. Papasiyahin ka niya hangga’t kaya niya. Papangitiin ka niya hangga’t meron siyang tiyansa. 

Ang sarap talaga sa pakiramdam pag nakikita mong mahal ka ng taong mahal mo. Hindi niya na kailangang magsabi ng “I love you" araw-araw, o magtext ng sweet long messages para maramdaman mo. Dahil pagtitig at pagngiti niya lang pag nandyan ka, ramdam mo ng mahal ka niya. 

Pero hindi lahat ng relasyon perpekto. Magkakaroon kayo ng panahon kung saan hindi niyo alam ang nangyayari pero tila binabato ang relasyon niyo ng mga problema. Na kaunting bagay nalang, gigiba na kayong dalawa. 'Yun naman ang importante sa relasyon e, hindi yung mga halik at yakap. Kundi kung paano niyo ba na-oovercome ang bawat problemang dumadating sa inyong dalawa.